Ýiten gaýçy Ýaponiýanyň täze Titose aeroportunda uçuşlaryň 200-siniň gijikmegine hem-de 36 sany uçuşyň ýatyrylmagyna sebäp boldy. Gaýçy 17-nji awgustda içki reýsleriň uçuş nokadyndaky dükandan ýitirim boldy.
Dükanyň işgärleri onuň ýitenini habar berdiler. Şundan soň, aeroport howpsuzlygynyň işgärleri gaýçynyň terrorçylar tarapyndan samolýot bortunda ýarag hökmünde ulanmak üçin ogurlanan bolmagynyň mümkindiginden howatyrlanyp başladylar. Şu sebäpli, aeroportda gözlegler başlandy. Netijede, uçuşlarda uly bökdençlikler döredi, olaryň käbirleri bolsa bütinleý togtadyldy.
Gaýçy iki günden soň tapyldy. Ol ýitirim bolan ýerinde dükan işgäri tarapyndan tapyldy. «Kimdir biriniň gaýçyny ol ýerden-bu ýere geçiren bolmagy mümkin» diýip, CNN habar berýär.
«TürkmenGazet».
