«SpaceX» geljek hepdede taryhda ilkinji gezek syýahatçylary açyk kosmosa iberer. Bu barada CNBC habar berdi.
Eger hemmesi meýilnama boýunça alnyp barylsa, missiýa 26-njy awgustda Florida ştatynda uçuşy amala aşyrar. Bu «Polaris Dawn» diýlip atlandyrylan üç uçuşyň ilkinjisi bolar. «Polaris» missiýasyna amerikaly telekeçi, milliarder we «Shift4» kompaniýasynyň esaslandyryjysy Jared Isakman ýolbaşçylyk edýär. Ol «SpaceX»-iň üç sany kosmos uçuşyny satyn aldy.
Oňa uzak wagtlap işleýän kärdeşi we Howa güýçleriniň öňki piloty Skott Potet, şeýle hem «SpaceX»-iň işgärleri Anna Menon we Sarah Gillis ýoldaşlyk eder. Kosmosa gitjek syýahatçylaryň özleri taýýarlyk ýagdaýlary barada «X» sosial ulgamynda maglumat berdi.
Uçuş bäş gün dowam edip, kosmosa üçünji gün çykylar. Açyk kosmosa çykylanda proýeksion displeýli skafandrlardan peýdalanylar.
Halkara kosmos stansiýasynda üç aýdan bäri bolýan amerikaly astronawtlar Barri Uilmoryň we Sunita Uilyamsyň bolsa 2025-nji ýylda Ýere dolanmaklary mümkin.
«TürkmenGazet».
