Halaýan filmlerimiziň gahrymanlarynyň näçe ýaşyndadygy hakda seýrek pikir edýäris.
Rouz («Titanik»)
Jeýms Kameronyň meşhur «Titanik» filmindäki Rouz Dewitt Baketer has uly görünse-de, ol bary-ýogy 17 ýaşyndady. Filmde bu roly ýerine ýetiren Keýt Winslet şol wagt 22 ýaşyndady.
Katniss Ewerdin («Durmuş we ölüm oýunlary»)
«Durmuş we ölüm oýunlary» serialynyň birinji bölüminde baş gahryman 16 ýaşyndady. Bu keşbi ýerine ýetiren Jennifer Lawrens bolsa şol wagt birneme ulurakdy — 18 ýaşyndady.
Margery Tirell («Tagtlar oýny»)
Jorj Martiniň romanynda Margery 16 ýaşyndady. Bu roly ýerine ýetiren aktrisa Natali Dormer ilkinji möwsüm efire berlende 29 ýaşyndady.
Şerlok Holms («Şerlok»)
Şerlok Holmsyň gahrymany ilkinji gezek Artur Konan Doýlyň «Gyrmyzy reňkdäki etýut» hekaýasynda agzalýar. Şol wagt ýaş detektiv 27 ýaşyndady. «Şerlok» serialynyň birinji bölümi surata düşürilende Benedikt Kamberbetch 34 ýaşyndady.
Jasmin («Aleddin»)
Jasminiň ýaşy asyl filmde ýa-da «Disneý»-iň web sahypasynda gönüden-göni beýan edilmeýär. Şeýle-de bolsa gyzyň 16 ýaşyna ýetmänkä durmuş ýoldaşyny saýlamalydygy mälim. Diýmek, filmiň köp böleginde gyz 15 ýaşynda. 2019-njy ýyldaky filminde bolsa Jasminiň roluny ýerine ýetiren aktrisa Naomi Skott 26 ýaşyndady.
Aragorn («Ýüzükler hökümdary»)
Kitapdaky Aragorn, Frodo bilen tanyşanda 87 ýaşynda bolýar. Filmiň birinji bölüminde aktýor Wiggo Mortensen 43 ýaşyndady.
Julia Chayld («Juli we Julia: Bagtyň resepti»)
Julia Chayldyň «Fransuz nahar bişirmek sungatyny özleşdirmek» kitaby çap edilende 48 ýaşyndady. Aşpez «Juli we Julia: Bagtyň resepti» filminde durmuşyndaky şol döwri görkezýär. Ekranda Chayldyň keşbini janlandyran aktrisa Meril Strep 60 ýaşyndady.
Julietta («Romeo we Julietta»)
Şekspiriň bu tragediýasy ençeme gezek ekranlaşdyryldy. Onuň iň meşhur filmleriniň birinde Juliettanyň roluny 17 ýaşly Oliwiýa Hassi ýerine ýetirýär. Asyl söýgi hekaýasynda Julietta 13 ýaşynda.
Ariel («Suw perisi»)
«Disneý» animasion filminde suw perisi kakasynyň deňiz şalygyny terk edeninde 16 ýaşyndady. 2023-nji ýylda Arieliň roluny 23 ýaşly Halle Bailiniň janlandyran çeper filmi görkezildi. Ýöne filmdäki suw perisiniň 18 ýaşyndadygyny bellemelidiris.
Edward («Sumerki»)
Edward Kallen 17 ýaşynda wampire öwrülýär. 104 ýaşyny dolanda bolsa ilkinji gezek Bella bilen tanyşýar we oňa aşyk bolýar. Robert Pattinson «Sumerki»-niň birinji bölümi çykanda 22 ýaşyndady.
«TürkmenGazet».
