Geçen hepdede Türkmenistanyň Ministrler Kabinetiniň mejlisinde berlen hasabatlara laýyklykda, «Sanly çözgüt — 2024» bäsleşigini emeli aň, robototehnika we awtomatizasiýa, «akylly» oba hojalyk tehnologiýalary, «akylly» öý we «akylly» şäher, bilim we elektron okuw, sanly lukmançylyk hem-de hyzmatlar ulgamy ýaly ugurlar boýunça geçirmek meýilleşdirilýär.
Hasabatda bellenilişi ýaly, Hormatly Prezidentimiziň sanly ulgama geçmek, programma üpjünçiligini işläp düzýän we innowasion oýlap tapyşlar bilen meşgullanýan ýaşlary ýüze çykarmak hem-de höweslendirmek boýunça beren tabşyryklaryndan ugur alyp, agzalan bäsleşigi geçirmek we onuň jemlerini «Türkmentel — 2024» halkara sergisiniň çäklerinde jemlemek göz öňünde tutulýar.
