Arkadag şäheriniň açylyp ulanmaga berilmeginiň bir ýyllygynyň giňden bellenilýän gününde «Arkadag Medisina Klasteri Menejment» kärhanasyna Türkmenistanyň sertifikatlaşdyryş ulgamy tarapyndan Hil ulgamynyň laýyklyk sertifikaty berildi.
Resmi habar beriş serişdelerinde berilýän maglumatlara görä, bu sertifikat «Hil menejmentiniň ulgamy» diýen ugur boýunça önümleriň hil ulgamynyň — ISO-9001-iň bellenen talaplara laýyk gelýändigini tassyklaýar. Munuň özi kärhananyň öndürýän önümleriniň hil görkezijileri, şol sanda lukmançylyk ulgamyna degişli hil görkezijileri babatda ýokary talaplara laýyk gelýändiginiň güwäsidir.
