Özgäniň aýdymny aýtmany üçin,
Ol — türkmen bolupdyr,
türkmen bolupdyr.
Haram lukmalary datmany üçin,
Ol — türkmen bolupdyr,
türkmen bolupdyr.
Arka diräp kasamyna-antyna,
Wepa berip pederiniň pendine,
Ar getirmän Watanyna-kendine,
Ol — türkmen bolupdyr,
türkmen bolupdyr.
Ýowda orta ýoldan yzyna dönmän,
Göwnüne çig gören oýnuna girmän,
Öljegni bilse-de sözünden dänmän,
Ol — türkmen bolupdyr,
türkmen bolupdyr.
Döwlet tapyp ata-baba kesbinden,
Ýalkanyp halal süýt emen neslinden,
Goňşusyna ýow geçirmän üstünden,
Ol — türkmen bolupdyr,
türkmen bolupdyr.
ÇAT AÇMAZLYK DILÄP KERKAWLARYNA,
DAGDAN ARKA BOLUP SERDARLARYNA,
ABRAÝ ARZUWLAP NAÇARLARYNA,
OL — TÜRKMEN BOLUPDYR,
TÜRKMEN BOLUPDYR.
Gyz näzinden dörän hymmyly bilen,
Özi bir mukamlyk tümmüli bilen,
Hasabynda dogry ÇYNLARY bilen,
Ol — türkmen bolupdyr,
türkmen bolupdyr.
Süňňi — sadalykdan, kalby — pamykdan,
Dünýe döräp, gözbaşlardan ganypdyr,
Uly söýgüsinden, uly namysdan,
Ol — türkmen bolupdyr,
Baýram Jütdiýew,
Türkmenistanyň halk ýazyjysy.
