Ýörsen, ýarym, guwana men
Serwi kamat boýlaryna,
Gülden puses ýarasypdyr
Ajap raht boýlaryna.
Men — bilbile eýläp azar,
Aldyn sirin janym nisar,
Züleýhadan galan zünnar
Bolsun hajat boýlaryna!
Görsem roýun, ýok armanym,
Sensiz hazan ursun janym,
Ykbalym, dinim-imanym
Kylam hormat boýlaryna.
Yskyn bilen men dat eýläp,
Öwrenip men, adat eýläp,
Ömür-ahyr perýat eýläp,
Ýetmez lahat boýlaryna.
Gören asyk geda bolar,
Il-gününden jyda bolar,
Magtymguly, pida bolar
Din-keramat boýlaryna.
