Ýakynda režissýor Isgendermuhammet Annamuhamedowyň surata düşüren «Dutaryň owazy» atly çeper filmi Farabi film festiwalynda emin agzalarynyň ýörite baýragyna mynasyp görüldi. Festiwal Gazagystanyň Al-Farabi milli uniwersitetiniň 90 ýyllygy mynasybetli TÜRKSOÝ halkara guramasy bilen bilelikde guramagynda dabaraly ýagdaýda geçirildi.
«Dutaryň owazy» filmi festiwalda kino muşdaklaryna görkezilip, olarda ýatdan çykmajak täsirleri galdyrmagy başardy. Film tomaşaçylara türkmen halkynyň saz sungaty babatda maglumat almaga giň mümkinçilik döretdi.
Bu festiwalda baş baýragyň eýesi Gyrgyzystandan Saadat Kazakbaýewiň «Alagaraňkylyklardaky jaň» atly filmi bolmagy başardy.
Güljäjek HALLYMÄMÄMMEDOWA,
S.A.Nyýazow adyndaky Türkmen oba hojalyk uniwersitetiniň 3-nji ýyl talyby.
