Ýaponiýanyň Osaka şäherinde geçiriljek «EKSPO-2025» Bütindünýä sergisiniň guramaçylyk komiteti Türkmenistanyň pawilýonynyň daşky dizaýnyny we «Gowy geljege ylham bermek» atly mowzugyny hödürledi.
Türkmenistanyň pawilýonynyň daşky dizaýnynda milli bezegler, ýagtylyk panelleri hem-de Beýik Ýüpek ýoluna degişli şekiller ulanyp, ol eko-görnüşde gurnalan. Bu ýerde myhmanlar Türkmenistanyň medeniýeti, taryhy we durnukly ykdysady ösüşi bilen tanşyp bilerler. Aslynda bu görnüş Türkmenistanyň pawilýonynyň daşky dizaýnynyň gutarnykly görnüşi bolman, eýsem, taslamasynyň üstünde ýene-de işleniler. Türkmenistanyň Milli gününi 2025-nji ýylyň 14-nji aprelinde, ýagny serginiň açylyş gününden bir gün soň geçirmeklik meýilleşdirilýär.
«EKSPO-2025» Bütindünýä sergisi Ýaponiýanyň Osaka şäherinde 2025-nji ýylyň 13-nji apreli — 13-nji oktýabry aralygynda «Biz ýaşaýşymyz üçin geljegiň jemgyýetini döredýäris» şygary astynda geçiriler.
Pena ÝUSUPOW,
Türkmenistanyň Daşary işler ministrliginiň Halkara gatnaşyklary institutynyň talyby.
