23–29-njy maý aralygynda Çuwaş Respublikasynyň paýtagty Çeboksary şäherinde geçiriljek etnik we sebit kinosyna bagyşlanan XVII Çeboksary halkara kinofestiwalynyň resmi maksatnamasy yglan edildi. Bu barada «Altyn asyr» elektron gazeti habar berýär.
Kinofestiwalyň bäsleşik maksatnamasyna türkmen kinorežissýory Sahysalyh Baýramowyň «Daragt» çeper filmi girdi.
Kinofestiwal filmiň ilkinji görkezilişi 27-nji maýda sagat 17:00-da «Wolžskiý» kinoteatrynda bolar.
Kinoforumyň maksatnamasynda döredijilik duşuşyklary, ussatlyk sapaklary geçiriler we çagalar üçin film görkeziler.
XVII Çeboksary halkara kinofestiwalynda filmleriň hemmesi asyl dilinde görkeziler. Ýeňijileri sylaglamak dabarasy Çuwaş döwlet filarmoniýasynda bolar.
«TürkmenGazet».
