Ýurdumyzyň ýokary okuw mekdepleriniň 11-si Aziýa uniwersitetleriniň – Times Higher Education (THE) Asia University Ranking 2024 reýtingine «habarçy» derejesi bilen girmegi başardy. Asia University Ranking uniwersitetleriň okatmak, ylmy barlaglary alyp barmak, bilimleri geçirmek, halkara derejesindäki mümkinçilikler ýaly esasy wezipeleri beýan edýän netijeliligiň görkezijileriniň 18-siniň esasynda THE britan guramasynyň halkara bilermenleri tarapyndan her ýylda düzülýär.
Ine, Aziýa uniwersitetleriniň abraýly reýtinginiň sanawyna goşulan ýokary okuw jaýlarymyz:
Döwletmämmet Azady adyndaky Türkmen milli dünýä dilleri instituty;
Türkmenistanyň Inžener-tehniki we ulag kommunikasiýalary instituty;
Türkmenistanyň Daşary işler ministrliginiň Halkara gatnaşyklary instituty;
Türkmenistanyň Telekommunikasiýalar we informatika instituty;
Halkara ynsanperwer ylymlary we ösüş uniwersiteti;
Türkmenistanyň Oguz han adyndaky Inžener-tehnologiýalar uniwersiteti;
Seýitnazar Seýdi adyndaky Türkmen döwlet mugallymçylyk instituty;
Türkmenistanyň Döwlet energetika instituty;
Türkmen döwlet binagärlik-gurluşyk instituty;
Türkmen döwlet ykdysadyýet we dolandyryş instituty;
Ýagşygeldi Kakaýew adyndaky Halkara nebit we gaz uniwersiteti girizildi.
Umuman, 2024-nji ýylyň reýting sanawyna 30-dan gowrak ýurtlardan Aziýa uniwersitetleriniň 1127-si girizilendir.
Aýgül ŞANEPESOWA,
S.A.Nyýazow adyndaky Türkmen oba hojalyk uniwersitetiniň Oba hojalyk onümlerini gaýtadan işlemek fakultetiniň Et-süýt önümleri gaýtadan işlemek hünäriniň 3-nji ýyl talyby.
