Niderlandiýaly alymlaryň aýtmagyna görä, Mars planetasynda hem bakja ekinleriň bol hasylyny almak mümkinçiligi bar. «PLOS ONE» ylmy žurnalynda hem bu barada giňden çap edildi. Hünärmenler ilki bilen olary aýratyn sebetlerde ösdürip ýetişdirýärler, soňra ýyladyşhanalarda köpeldýärler. Olar pomidor bilen ýaşyl nohudyň bir sebetde ösdürilse gowy hasyl berjekdigine göz ýetirdiler. Has anyklap aýdanymyzda, ýaşyl nohut howadaky azody sorup alýar we ammiak bölüp çykarýar. Bölünip çykýan ammiak pomidora bol hasyl bermäge ýardam edýär.
Otag şertlerinde ösdürip ýetişdirip bolýan ösümlikleriň hataryna awokado, apelsin, limon, nar, greýpfrut, mandarin, hurma degişlidir. Ýönekeý bazarlardan satyn alnan apelsiniň tohumyny otag şertlerinde ösdürip ýetişdirip bolýar. 5-10 ýyldan soň ol hasyl bermäge ukyply bolýar.
Otag şertlerinde ösdürip ýetişdirip bolýan ösümlikleriň hataryna ýaşyl sogan, narpyz, reýhan, ukrop, petruşka, imbir, çerry pomidor ýaly ösümlikler hem degişlidir.
Albatros guşy geň täsinliklere eýe bolup, ol uçýan pursatynda hem uklap bilýär hem-de özüniň uçuş howpsuzlygyna gözegçilik edýär.
Alymlaryň bellemegine görä, itleriň keýpini olaryň guýruklaryndan aňyp bolýar. Eger itler guýrugyny sag tarapa egýän bolsa olaryň keýpiniň gowydygyny aňladýar. Eger-de çep tarapa egýän bolsa keýpiniň ýokdugyny aňladýar.
Hemraguly ERNAZAROW,
Çärjew etrabynyň 33-nji orta mekdebiniň biologiýa, zähmet mugallymy KA-nyň ilkinji guramasynyň başlygy.
