Ýaňy-ýakynda Xiaomi we Argentinanyň Futbol federasiýasy bilen hyzmatdaşlygynda öndürilen Redmi Note 13 Pro + World Champions Edition hödürlendi.
Dürli üýtgeşik dizaýn bilen gelýän “Note 13 Pro Plus World Champions” wersiýasy eýýäm üns merkezine öwrüldi. Çünki Redmi Note 13 Pro Plus World Champions neşirinde Messiniň formasy bar!
Kolleksiýa hökmünde öndürilen Xiaomi-iň täze Dünýä çempionlary neşir modeli görkezildi. Redmi Note 13 Pro Plus World Champions zarýad beriji adapter, zarýad kabeli we gutydaky goşundylary öz içine alýar. Xiaomi diňe enjamda däl, eýsem, gök zarýad beriji adapterde-de ak zolaklar çyzdy we adapter bilen birlikde SIM iňňesine Argentina Futbol federasiýasynyň nyşanyny ýazdy. Enjam yzky kamera toparynyň gapdalynda altyn federasiýa nyşanyny göterýär we aşaky böleginde Messiniň “10” belgili formasyny göterýär. Üýtgeşik bolsa-da, enjamyň hakykatdanam ajaýypdygyny aýdyp bileris.
Redmi Note 13 Pro Plus-dan tapawutlanmaýan Dünýä çempionlary wersiýasy 6,67 dýuým OLED ekrany bilen gelýär. 120Hz täzelenme tizligi bolan bu ekran Gorilla Glass Victus tarapyndan goralýar. IP68 suw we tozana garşylygy hödürleýän “Note 13 Pro Plus World Champions” wersiýasy MediaTek Dimensity 7200 Ultra bilen üpjün edilýär. “Android 14” esasly “HyperOS” operasiýa ulgamynda işleýän enjam 12 Gb LPDDR5 RAM ýady we 512GB UFS 3.1 ammary bilen üpjün edilýär.
Esasy kamera hökmünde 200 Megapiksel datçigini ulanyp, “Note 13 Pro Plus World Champions” wersiýasyna 8 Megapiksel ultra giň burçly kamera we 2 Megapiksel makro kamerasy hem girýär. 5000 mAh akkumulýator bilen işleýän enjamda 120W çalt zarýad beriş goldawy, 16 Megapiksel öň kamerasy, Wi-Fi 6E, 5G we IR Blaster ýaly aýratynlyklar bar.
«TürkmenGazet».
