Meşhur polşaly alym Nikolaý Kopernik häzirkizaman astronomiýasynyň esaslandyryjysy bolup, ol Ýeriň we ähli planetalaryň Günüň daşyndan aýlanýandygyny görkezýän dünýäniň geliosentrik sistemasyny hödürläpdi.
Ýöne astronomyň we matematigiň ýaşan wagtyndan portretler saklanmandyr. Şu günki günlerimize gelip ýeten Kopernigiň portreti bolsa 1580-nji ýylda, has takygy alymyň ölüminden 37 ýyl soň çekilipdir. Braziliýaly 3D dizaýneri Sisero Morais muny düzetmek kararyna gelendigi barada « naked-science.ru» habar berýär. Morais Kopernigiň çak bilen meşhur astronoma degişli bolan kelle süňküne esaslanýan ýüz keşbini täzeden dikeltdi. Gözlegçi kelle süňküniň ýetmeýän böleklerini döretmek we soňra ýüzi modelirlemek üçin kompýuter tomografiýasyny ulandy. Maglumatlara görä, Sisero Moraisiň işiniň netijesi 1580-nji ýylda çekilen Kopernigiň portretine meňzedilýär.
«TürkmenGazet».
