12-nji aprel Russiýada Kosmonawtika güni, dünýäde bolsa, adamyň kosmosa uçmagynyň halkara güni hökmünde bellenilýär. Bilşimiz ýaly, 1961-nji ýylyň 12-nji aprelinde Ýuriý Gagarin dünýäde ilkinji bolup kosmosa çykdy. Hut şunuň bilen baglylykda, her ýylyň 12-nji fewralynda Kosmonawtika güni bellenilýär.
Hormatly Prezidentimiz hem-de Gahryman Arkadagymyz Türkmenistanyň we Russiýa Federasiýasynyň Gahrymany, Kosmos işi boýunça “Roskosmos” döwlet korporasiýasynyň tälimçi-kosmonawt-synagçysy, kosmonawtlar toparynyň serkerdesi Oleg Kononenko hünär baýramy — Kosmonawtika güni mynasybetli tüýs ýürekden gutlaglaryny, iň gowy arzuwlaryny iberdi.
Birleşen Milletler Guramasynyň Baş Assambleýasynyň 2011-nji ýylyň 7-nji aprelinde çykaran kararnamasyna laýyklykda, 12-nji aprel adamyň kosmosa uçmagynyň halkara güni hökmünde bellenýär. 60 döwlet bu kararnamanyň awtordaşy bolup durýar.
1961-nji ýylyň 12-nji aprelinde Ýuriý Gagarin kosmosa ilkinji uçuşyny amala aşyrdy. Bu taryhy waka kosmos giňişligini öwrenmegiň öňüni açdy. Gagariniň kosmos giňişligine çykmagynyň üstünden 61 ýyl geçdi. Gagarin “Wostok” kosmos gämisi bilen älem giňişligine çykdy. Ol bu uçuşy 108 minut dowam edipdi we kosmos giňişligini ylmy taýdan özleşdirmekde möhüm ädim bolupdy.
Şazada EREŞBAÝEWA,
S.A.Nyýazow adyndaky Türkmen oba hojalyk uniwersitetiniň 3-nji ýyl talyby.
