Ýakynda, has takygy, şu ýylyň 1-2-nji aprelinde sportuň kiçi futbol görnüşi boýunça Ahal welaýatynyň birinjiligi geçirildi. Ýaryş Ýaş olimpiýaçylary taýýarlaýan sport mekdep-internatynda geçirildi. Birinjilik ugrunda Ahal welaýatynyň etraplarynyň we şäherleriniň ýygyndy toparlary bäsleşdiler.
Ahal welaýatynyň birinjiligi ugrunda geçirilen bäsleşik Türkmenistanyň Sport we ýaşlar syýasaty ministrligi tarapyndan meýilleşdirilen sport çärelerini, okuw-türgenleşik sapaklaryny we ýygnanyşyklaryny geçirmegiň wagtlaýyn tertibine laýyklykda hem-de FIFA-nyň tassyklan düzgünleri boýunça guraldy. Ýurdumyzda sagdyn durmuş ýörelgesiniň ýaýbaňlandyrylmagyna, sport bilen meşgullanýanlaryň sanynyň artdyrylmagyna, sportuň we köpçülikleýin bedenterbiýäniň wagyz edilmegine gönükdirilen ýaryşlaryň dowamynda ezber türgenler ýüze çykaryldy. Ýaýbaňlandyrylan ýaryşlar jemgyýetimize sagdyn durmuş ýörelgeleriniň giňden ornaşýandygyna aýdyň güwä geçýär.
Ýaryşda baýrakly oran mynasyp bolan toparlara Hormat hatlary hem-de gymmat bahaly sowgatlary gowşuryldy.
Allak ALLAKOW,
Tejen etrabynyň Altyn asyr şäheriniň sport mekdebiniň müdiri.
