Iller aýtdy.
Duýýarmyşlar:
Meniň menden geçenimi…
Hiç-le!
Bilsinler bar zatdan,
Şygry saýlap seçenimi
Käte şemaldyr öýdenlem,
Tupan bolup çyksa-da hiç
Göwne degmedik göwnümem,
Öz-özüni ýyksa-da hiç.
Diýmen asla: “Şowsuzlyklar
Bar umydym tala daňar…”
“Gijäň hökmi Güneşe çen”
Wagtlaýyndyr aladalar…
Synag sapylan günleriň,
Gorkamok men neşderinden.
Bolan, boljak ýeňlişlerim
Poeziýaň leşgerinden…
Okanlaň müňden birine
Ýarasa bor ýazanlarym
Men ömrümde şundan beýik
Ýeňşi asla gazanmaryn…
Sülgün Bazarowa.
