«Championat.com»-yň habar bermegine görä, «Inter Maýami» bilen Gonkongyň milli ýygyndysynyň arasyndaky geçirilen ýoldaşlyk oýnuna petek satyn alan janköýerler onuň bahasynyň 50% möçberinde öwez tölegini alarlar.
Bu ýoldaşlyk duşuşygy 2024-nji ýylyň 4-nji fewralda geçirilipdi. Gonkongly janköýerler Lionel Messiniň tutuş oýny ätiýaçlyk oturgyjynda geçirmegine nägileligini bildirdiler. MLS-iň toparynyň iň meşhur oýunçysynyň çykmazlygyny, ony görmek üçin oýnuň gymmat bahaly peteklerini satyn alanlar äsgermezligiň alamaty hasapladylar.
Üç gün soň, Lionel 7-nji fewralda Ýaponiýada «Wissel Kobe» bilen geçirilen ýoldaşlyk duşuşygynda «Inter Maýaminiň» düzüminde oýnanda dartgynlylyk has-da artdy. Oýny gurnaýjylar bilen kazyýet işinden ýüz öwürýänlere öwez tölegi berler. Duşuşyga 38 müň 323 sany janköýer geldi. «Inter Maýami» bilen Gonkongyň milli ýygyndysynyň arasyndaky oýnuň peteginiň iň pes bahasy 108 dollardan başlanýardy.
«TürkmenGazet».
