Saud Arabystanynyň Futbol federasiýasy öz saýtynda 2034-nji ýylyň dünýä çempionatyny ýurduň çäginde geçirmek üçin resmi arzasyny ýerleşdirendigi barada «championat.com» habar berdi.
Geçiriljek dünýä çempionatynyň şygary hökmünde «Bilelikde ösýäris» diýen jümleler saýlanylypdyr. Federasiýa saýlanan bu şygaryň ýurduň futbol gurşawyndaky özgerişi bilen halkara futbolyna hem-de ýaryşyň özüne oňyn täsirini goýmak isleýändigini belleýär.
Halkara Futbol Federasiýasy 2034-nji ýylyň dünýä çempionatyny geçirmäge diňe Aziýa we Okeaniýa ýurtlarynyň dalaş edip biljekdigini habar berdi. Bilşimiz ýaly, 2026-njy ýylyň dünýä çempionaty ABŞ-da, Kanadada hem-de Meksikada geçirilýär.
Geljek 2026-njy ýyldan başlap dünýä çempionatlaryna 48 topar gatnaşar.
«TürkmenGazet».
