Öýüňizi gurşap alýan we hemişe görýän diwarlaryňyz göni serhet bolmaly däldir. Diňe bir surat çekmek bilen çäklenmän, başga bir atmosfera goşup, ýaşaýyş ýeriňizi birnäçe usullar bilen bezäp bilersiňiz.
Otagyňyzy tebigat bilen utgaşdyryň! Otag gülleriňiziň diňe wazalarda, ýerde ýa-da penjirelerde bolmagy wajyp bir düzgün däl. Diwaryňyzyň bir bölegini asylan küýzelerdäki güller bilen bezäp bilersiňiz. Bu usulyň diwaryňyza estetiki giňişligi berýändigine göz ýetirersiňiz.
Otagyň size degişlidigini aýdyňlaşdyryň! Elmydama sizi suratlandyrýan aýratyn zatlaryňyzy tekjelerde saklamak möhüm däl. Diwara bular üçin amatly ýer taýýarlamak bilen, olary hemişe görüp, özüňiz üçin has şahsy ýer döredip bilersiňiz.
Boş çarçuwaly diwar hakda näme pikir edýärsiňiz? Käbir adamlar owadan ramkalary halamaýarlar, ýöne ol ramkalara elmydama surata goýmak hökmany ýagdaý däl bolsa gerek. Gabat gelýän çarçuwalar janly diwar reňki bilen birleşdirilende ajaýyp şekilleri hem görkezip biler.
Kitaplar bilen bezemek! Düzedip bolmaýan kitap tekjäňiz bar bolsa, ýa-da otagyňyza gelýän bir adama has köp görkezmek isleýän kitaplaryňyz bar bolsa bu usul siziň üçin diýseň amatly usul. Kitaplary bezeg önümi hökmünde ulanmak käbirlerimize ters ýaly bolup görünse-de, wagtyň geçmegi bilen bu ýagdaýy halap bileris.
Afişalar ýa-da metbugat sahypalary! Afişalary ýa-da islendik suratlary, žurnal ýa-da gazet sahypalaryny birleşdirip, diwaryňyzy has gyzykly we täsin görnüşe getirip bilersiňiz.
A, siz otagyňyz üçin nähili kreatiw dizaýn saýlardyňyz?
«TürkmenGazet».
