«Lenta.ru» -nyň habar bermegine görä, düwmeli «Nokia 1100» taryhda iň meşhur jübi telefony boldy. Meşhur «Visual Capitalist» portaly iň köp satylan enjamlaryň sanawyny düzdi.
Sanawda birinji orny 2003-nji ýylda çykan «Nokia 1100» eýeläp, 6 ýylda onuň 250 million nusgasy satylypdyr. Ikinji orny hem bu brendiň ýene bir düwmeli modeli – «Nokia 1110» eýelemegi başarýar.
Iň meşhur enjamlaryň üçlüginde «iPhone 6» we «6 Plus» hem sanawda öz orunlaryny almagy başardy. Onuň uly sensorly ekrany bolan jübi telefonlarynyň eýýamyny açandygy we häzirki döwürde iň köp satylan smartfon bolmagynda galýandygy bellenilýär.
Ilkinji bäşlige «Nokia 105» hem-de «iPhone 6s» we «6s Plus» ýaly enjamlar girdi. Mundan başga-da, sanawda fin we amerikan brendleriniň beýleki modelleri hem bar. Şol bir wagtyň özünde, düwmeli «Samsung E1100» ilkinji ýigrimilikde 11-nji orny, eplenýän «Motorola Razr V3» bolsa 17-nji orny eýelemegi başardy.
Şöhrat BÄŞIMOW,
Türkmenistanyň Döwlet energetika institutynyň 3-nji ýyl talyby.
