Häzirki döwürde Magtymguly Pyragynyň baý edebi mirasyny öwrenmek, dünýä jemgyýetçiligine wagyz etmek boýunça uly işler alnyp barylýar. Şunuň bilen baglylykda, «Türkmenistanyň «Magtymguly Pyragynyň 300 ýyllygyna» atly ýubileý medalyny döretmek hakynda» Türkmenistanyň Kanunyna gol çekildi.
Bu medal Gündogaryň beýik akyldary Magtymguly Pyragynyň gymmatly edebi mirasyny öwrenmekde, aýawly saklamakda, wagyz etmekde uly hyzmatlary bitiren ýurdumyzyň raýatlaryny sylaglamak maksady bilen döredildi. Şeýle-de bu ýokary sylag bilen Türkmenistanyň medeni we beýleki dostlukly gatnaşyklaryny ösdürmekde aýratyn hyzmatlary görkezen daşary ýurt raýatlary we raýatlygy bolmadyk adamlar hem sylaglanylar.
«TürkmenGazet».
