Ildeşimiz Oleg Kononenko kosmosda iň uzak wagtlap bolan kosmonawt hökmünde dünýä rekordyny täzeledi. Ondan öňki rekord hem russiýaly kosmonawt Gennadiý Padalka degişlidi. Onuň uçuşlarynyň 5-si boýunça kosmosda bolan wagty, jemi 878 gije-gündize barabar bolupdy. Bu şatlykly waka düýn, 4-nji fewralda bolup geçdi.
Mälim bolşy ýaly, ildeşimiz häzirki wagtda «Roskosmosyň» kosmonawtlar toparynyň ýolbaşçysy hökmünde bäşinji uçuşyny amala aşyrýar. Bu uçuş 2024-nji ýylyň 23-nji sentýabrynda tamamlanar. Şonda Oleg Kononenkonyň kosmosda — Halkara kosmos stansiýasynda bolmagy 1110 gije-gündize barabar bolar.
«TürkmenGazet».
