«Al-Nasr» toparynyň 38 ýaşyndaky portugal hüjümçisi Kristiano Ronaldo gazanan kuboklarynyň we baýraklarynyň üstüni ýene-de bir abraýly baýrak bilen ýetirdi. Ol ýylyň iň köp gol geçiren futbolçysyna berilýän Maradona baýragy bolup, baýrak şu ýylyň 19-njy ýanwarynda «Dubai Globe Soccer Awards 2023» dabarasynda gowşuryldy, diýip «championat.com» habar berýär.
5 gezek «Ballon d´or» baýragyna mynasyp bolan Ronaldo 2023-nji ýylda hem Portugaliýanyň milli ýygyndysynyň hem-de «Al-Nasr» toparynyň düzüminde geçiren duşuşyklarynda jemi 54 topy derwezeden geçirmegi başardy. Ýylyň dowamynda iň köp gol geçiren futbolçylaryň sanawynda portugal hüjümçi güýçli futbolçylar – «PSŽ» toparynyň hüjümçisi Kylian Mbappe, «Bawariýa» -nyň iňlis hüjümçisi Garri Keýn hem-de «Mançester Siti» -niň hüjümçisi Erling Holand ýaly futbolçylardan öňe saýlandy.
Meşhur futbolçy Kristiano Ronaldo geçen ýylyň dekabrynda Saud Arabystanynyň futbol çempionatynda aýyň iň gowy futbolçysy saýlanyp, ol Saud Arabystanynyň çempionatynda 18 duşuşykda jemi 20 gol geçirmegi başarandyr.
«TürkmenGazet».
