«Pähim-paýhas ummany Magtymguly Pyragy» ýylynda ýurdumyzda sagdyn durmuş ýörelgelerini wagyz etmekde, ilatyň saglygyny goramak maksatly birnäçe wagyz-nesihat çäreleri yzygiderli geçirilýär.
Golaýda Daşoguz şäher Ýylylyk müdirliginde Dürli zyýanly endikleriň adam saglygyna ýetirýän zyýany, halkymyzyň sagdyn jemgyýetde ýaşamagyny gazanmak, ýaşlaryň arasynda tertip-düzgüni pugtalandyrmak, olaryň zyýanly endiklerden daşda durmagyny gazanmak maksady bilen, Daşoguz welaýat Polisiýa müdirligi, Daşoguz welaýat Prokuraturasy, Daşoguz welaýat Suwda halas ediş müdirligi, Daşoguz welaýat narkologiýa hassahanasy we Daşoguz welaýatynyň jemgyýetçilik guramalarynyň gatnaşmagynda wagyz-nesihat duşuşygy geçirildi. Duşuşygyň dowamynda çykyş edenler ýurdumyzda halkymyzyň asudalygy, bagtyýarlygy, bolelin ýaşamagyny üpjün etmekde alnyp barylýan işler dogrusynda gürrüň berdiler.
Duşuşygyň ahyrynda bagtyýar zamanany peşgeş eden Milli Liderimiz Gahryman Arkadagymyza, hormatly Prezidentimiz Arkadagly Gahryman Serdarymyza alkyş sözleri aýdyldy.
Maral DÖWLETOWA,
Hyzmat ulgamy işgärleriniň KA-nyň Daşoguz şäher Geňeşiniň hasapçysy.
