«Championat.com» -nyň habar bermegine görä, garyşyk başa-baş söweşiň söweşijisi bolan Konor Makgregor Irlandiýanyň prezident saýlawlaryna gatnaşmak mümkinçiligine seredýändigini aýtdy.
Maglumatlara görä, Makgregor «Eger men dalaş etsem, bolup biljek bäsdeşlik şeýle bolar: Jerri Adam – 78 ýaşly, Berti Ahern – 75 ýaşly, Enda Kenni – 74 ýaşly. Olaryň her biri öz partiýasynyň syýasaty bilen aýrylmaz baglanyşyklydyr. Bu partiýalar adamlary däl-de, özlerini dolandyrýarlar. Şeýle-de, men – 35 ýaşly, ýaş, işjeň, höwesjeň» – diýip, belläpdir. Irlandiýada nobatdaky saýlawlar 2025-nji ýylda geçiriler. Prezident 7 ýyl möhlet bilen saýlanýar. Ýurduň häzirki prezidenti Maýkl Higginsdir.
Ýatlap geçsek, 35 ýaşyndaky Makgregoryň soňky söweşi UFC 264-de amerikaly Dastin Porýe bilen boldy. Duşuşyk birinji raundda tamamlandy, onuň netijesinde irlandiýalynyň aýagy döwüldi.
«TürkmenGazet».
