«Disney» studiýasynyň 17 täze filmi dünýäde bary-ýogy 4,827 milliard dollar gazandy. Şol bir wagtyň özünde, «Universal» 24 täze filmi bilen 4,907 milliard dollar toplap, studiýalaryň arasynda kassa ýygymlarynda dünýäde öňdebaryjylygy eýelemegi başardy. «Disney» 2015-nji ýyldan bäri ilkinji gezek birinji ýeri eýeläp bilmedi.
Uzak wagtyň dowamynda ilkinji gezek «Disney» studiýasynyň filmleri ýylyň dowamynda iň köp girdeji gazanan filmleriň ilkinji üçlügine girmegi hem başarmady. «Disney» kassa ýygymynda ikinji orunda dursa-da, 2023-nji ýylda düşürilen filmleriniň köpüsi garaşylan netijäni bermedi. Diňe «Galaktikanyň goragçylary 3» 845 million dollar gazanyp, ýeke-täk üstünlikli taslama boldy.
«Universal» we «Disney» studiýalarynan soň üçünji ýerde «Barbie» we «Wonka» filmleri bilen 3,84 milliard dollar girdeji gazanan «Warner Bros» gelýär.
«TürkmenGazet».
