Serbiýaly meşhur tennisçi Nowak Jokowiçiň 2016-njy ýylda geçirilen Fransiýanyň Açyk çempionatynyň finalyndaky raketkasy SCP Auctions auksionynda, takmynan, 107,5 müň dollara satylandygy barada «championat.com» habar berýär.
Nowak Jokowiç «Uly tuwulga» ýaryşlarynda (24) we «Masters» ýaryşlarynda (40) titullary boýunça, şeýle-de jemleýji ATP ýaryşlarynda ýeňişleriniň sany boýunça (7) rekord eýesidir.
Bu mukdar auksionlarda tennis raketkasyny satyn almak üçin rekord baha boldy. Raketkanyň başlangyç bahasy 10 müň dollardy. Jokowiç bu raketka bilen Pariždäki kortuň toprakly ýüzüne ýürek çekdi. Şondan soň ony münbere zyňdy we raketka ony ahyrynda satuwa çykaran öňki eýeleriniň eline düşdi.
2016-njy ýylda geçirilen tennis boýunça Fransiýanyň Açyk çempionatynyň finalynda Nowak Jokowiç britaniýaly Endi Marreýden üstün çykdy. Bu ýeňiş oňa karýerasynda «Uly tuwulgasyny» gazanmaga we muny başaran taryhda sekizinji tennisçi bolmaga mümkinçilik berdi.
«TürkmenGazet».
