2024-nji ýylyň 8-nji ýanwarynda Ispaniýanyň Kubogynyň 1/16 finalynyň duşuşygy geçirildi. Ispaniýanyň «Munisipal de Barbastro» stadionynda «Barbastro» bilen «Barselona» duşuşdy. Duşuşyk 3:2 hasabynda tamamlandy.
Şeýlelikde, Kataloniýanyň topary 20 oýun bäri birden köp gol tapawudy bilen ýeňiş gazanyp bilmeýär. Bu ýagadaý Barselonanyň taryhynda ilkinji gezek bolup geçýär. Birden artyk gol tapawudy bilen soňky ýeňiş geçen ýylyň 19-njy sentýabrynda Çempionlar ligasynda «Antwerpen» toparyna garşy duşuşykda (5:0) gazanylypdy.
Häzirki wagtda Ispaniýanyň Kubogynyň 1/8 finalyna Madridiň «Atletiko» topary, «Hetafe», «Žirona», «Raýo Walýekano», «Real Madrid», «Malorka», «Selta», «Sewilýa», «Osasuna» «Atletik» we «Walensiýa» toparlary çykmagy başardy.
«TürkmenGazet».
