Halkara futbol taryhy we statistika federasiýasy (IFFHS) 2023-nji ýylyň klublarda işleýän baş tälimçileriniň arasyndan iň gowusyny saýlady. Ýagny, iň gowy tälimçisi adyna «Mançester Siti» -niň tälimçisi bolan Hosep Gwardiola mynasyp bolmagy başardy.
52 ýaşly tälimçi jemi 281 utuk gazanyp, öz bäsdeşlerinden öňe geçdi. Ispaniýanyň «Real Madrid» -den Karlo Ançelotti ikinji orna hem-de Italiýanyň çempiony «Napoliniň» öňki baş tälimçisi Luçano Spalletti bolsa üçünji orna mynasyp görüldi.
2023-nji ýylda Hosep Gwardiola Angliýanyň Premýer-ligasynda, Angliýanyň Kubogynda, UEFA-nyň Çempionlar ligasynda, UEFA-nyň Super kubogynda we Klublaýyn dünýä çempionatynda hem ýeňiş gazandygyny bellemek gerek.
Babyş OTUZOW,
S.A.Nyýazow adyndaky Türkmen oba hojalyk uniwersitetiniň Weterinar lukmançylygy fakultetiniň 1-nji ýyl talyby.
