«Emojipedia» portalynyň baş redaktory bolan Kit Broni 2023-nji ýylda internet we sosial media ulanyjylarynyň iň köp ulanýan 10 emojisiniň sanawyny düzdi.
«Şatlyk gözýaşlary» bolan emoji birinji orny eýelemegi başardy. Şeýle-de, iň köp ulanylan 10 smaýligiň sanawyna gülüp kese ýykylan ýüzler we gyzyl ýürek ýaly emojiler hem girdi.
Sanawdaky oňyn emojiýalaryň köp bolmagy ulanyjylaryň köplenç dostlary we maşgalasy bilen habarlaşýandyklaryny görkezýär. Broni 2024-nji ýyldaky çaklamasyny hem paýlaşdy. Onuň pikirine görä, «şatlyk gözýaşlary» şu ýylyň hem iň meşhur emojileriniň biri bolmagynda galar.
Smaýlikler ilkinji gezek 2008-nji ýylda girizilen hem bolsa, olaryň meşhurlygy barha artýar.
A siz, haýsy emojileri köp ulanýarsyňyz?!
Bakyguly ORAZOW,
Türkmenistanyň Daşary işler ministrliginiň Halkara gatnaşyklary institutynyň Halkara žurnalistikasy fakultetiniň 1-nji ýyl talyby.
