2024-nji ýylyň 2-nji ýanwarynda Daşoguz welaýatynyň Bedenterbiýe we sport baradaky Baş müdirliginiň garamagyndaky Şabat etrabynyň 1-nji sport mekdebinde wagyz-nesihat maslahaty geçirildi.
2024-nji ýylyň “Pähim-paýhas ummany Magtymguly Pyragy” ýyly diýlip yglan edilmegi mynasybetli guralan maslahat hormatly Prezidentimiziň tabşyryklaryny hem-de öňde goýlan maksatnamalaryny durmuşa geçirmek, “Türkmenistanda ýaşlar barada döwlet syýasatynyň 2021-2025-nji ýyllar üçin Döwlet maksatnamasynyň”, şeýle hem “Türkmenistanda 2021-2025-nji ýyllarda bedenterbiýäni we sporty goldamagyň hem-de ösdürmegiň Maksatnamasynyň” çäklerinde ýaşlaryň bedenterbiýe, sport we sagdyn durmuş endikleri bilen yzygiderli meşgullanmaklaryny gazanmak, olary watançylyk, zähmetsöýerlik, ahlaklylyk ruhunda terbiýelemek maksady bilen geçirildi.
Wagyz-nesihat duşuşygynda sport mekdebiniň direktory T.Saryýew, instruktor-usulyýetçisi A.Matýakubow şeýle hem tälimçi-mugallym A.Ýegenklyçew dagy çykyş etdiler. Maslahatda edilen çykyşlarda bellenilişi ýaly, ýaş nesilleriň arzuw-umytlaryny uly üstünliklere besleýän Arkadagly Gahryman Serdarymyzyň ýaşlaryň aýdyň geljegi ugrunda durmuşa geçirilýän beýik işleri Berkarar döwletiň täze eýýamynyň Galkynyşy döwründe olaryň jemgyýetçilik-syýasy işjeňligini has-da ýokarlandyrýar.
Ýaş nesilleriň bagtyýarlygy, olaryň belent maksatlara dahylly ykbaly hakynda yzygiderli alada edýän hormatly Prezidentimiziň jany sag, ömri uzak bolsun, il-ýurt bähbitli beýik başlangyçlary elmydama rowaçlyklara beslensin!
Maksat BOÝAZOW,
Daşoguz welaýatynyň Şabat etrabynyň 1-nji sport mekdebiniň instruktor-usulyýetçisi.
