Geçen 2023-nji ýylyň netijelerini jemlemegiň çäklerinde konsol we kompýuter oýunlary hakda köp zat aýdyldy, ýöne oýun pudagynyň ykjam segmentine welin üns berilmän galdy.
«Data.ai» seljeriş gullugy ykjam oýunlaryň düşewüntliligini seljerip, haýsy taslamanyň iň köp girdeji getirendigini kesgitledi. Birnäçe ýyllaryň dowamynda «Candy Crush» franşizasynyň oýunlary girdejililikde öňdebaryjydy. Emma bu ýyl onuň garşysyna täze bäsdeş çykdy. «Dream Games» studiýasynyň çykaran «Royal Match» oýny girdeji taýdan birinji ýeri eýeläp, ol 2023-nji ýylda işläp düzüjilere iki milliard dollardan gowrak girdeji getirmegi başardy. Bu oýnuň işjeň oýunçylarynyň sany aýda 55 million adama barabar bolup, «Candy Crush Saga» bolsa 160 million adama deňdir.
Şeýle-de, ilkinji üçlüge meşhur Monopoliýa GO ykjam oýunlary bolan: «Family Board Game» we «Coin Master» girmegi başaryp, «Candy Crush Saga» bolsa bu ýyl bäşinji oruna düşdi.
«TürkmenGazet».
