Meşhur milliarder Ilon Maskyň öňki aýaly aýdymçy Graýms Curio startapy we OpenAI-niň goldawy bilen ChatGPT-li çaga oýunjaklaryny hödürledi.
Häzirlikçe oýunjaklaryň üç modeli bolup olar: Gabbo, Grem we Grokdyr. Oýunjaklaryň her biriniň öz häsiýeti hem-de sesi bolup, olaryň üçüsine-de Graýmsyň özi ses beripdir. ABŞ-da birnäçe ýyl mundan ozal akylly kolonkalar giňden ýaýrady we Internetde kiçijik çagalaryň şeýle gurluşlar bilen ol ýa-da beýleki bir usulda aragatnaşyga girýändigi barada köp sanly gyzykly wideolary tapmak bolýar.
Şeýle-de, bu oýunjaklar Wi-Fi we Bluetooth modullary, mikrofon, akselerometr, dinamika bilen üpjün edilen bolup, smartfonlar bilen baglanyşyp bilýärler. Graýms şeýle oýunjaklaryň çagalara döwrebap gajetlerden ünsi sowmaga kömek etjekdigini belleýär. Taslamanyň awtorlary häzirlikçe munuň beta-synagdygyny, şonuň üçin şeýle oýunjaklary häzirkizaman emeli aňynyň nähili işleýändigine we onuň nähili aýratynlyklarynyň bardygyna düşünip satyn almalydygyny duýdurýarlar.
Ogulşat PÜRMÄMMEDOWA,
Berdimuhamet Annaýew adyndaky Arkadag şäher mugallymçylyk orta hünär okuw mekdebiniň 1-nji ýyl talyby.
