Ýaňy-ýakynda britaniýaly žurnalistler 1992-nji ýylda esaslandyrylandan APL-iň her möwsüminde iň ýokary girdeji alan futbolçylaryň sanawyny düzdüler.
Angliýanyň premýer-ligasynyň ilkinji möwsüminde (1992/93) iň ýokary zähmet haky şol wagt Liwerpul toparynda çykyş eden Jorn Barnsa degişli bolupdy. Maglumatlara görä, şol wagt ýarym goragçy hepdede 10 müň funt sterling alypdyr.
Bilşimiz ýaly, XXI asyryň birinji onýyllygynda ligada iň köp hak alýan Karlos Tewesdi bolupdy. Mançester Siti topary argentinaly hüjümçä hepdede 250.000 funt sterling tölenipdir. Şeýlelikde, 2013-nji ýyla çenli reýtingiň ilkinji ornuny eýelemegi başardy. Kristiano Ronaldo sanawda ikinji orny eýeläp, ol Mançester Ýunaýted toparyna ikinji gezek gelen döwründe hepdede 480 müň funt sterling alypdyr. Portugaliýaly oýunçydan öňe Real Madrid toparyndaky kärdeşi Garet Beýl geçip, ol 2020-2021-nji möwsüminde 560 müň funt sterling gazanýar. Netije-de, APL-iň häzirki möwsüminde iň ýokary zähmet hakyny Kewin de Brýoýne alyp, oňa hepdede 400 müň funt sterling tölenýär.
Bereket ÖWEZGELDIÝEW,
TDIM-niň Halkara gatnaşyklary institutynyň Halkara žurnalistikasy fakultetiniň 3-nji ýyl talyby.
