Täze gelen 2024-nji ýylyň 1-nji ýanwarynda «Çeburaşka» filminiň «Çeburaşka. Dynç güni» atly ýörite bölümi görkezildi
Ssenarist Witaliý Şlýappo: «Çeburaşka 2-ä ýene iki ýyl töweregi garaşmaly, ýöne Gena bilen Çeburaşkanyň täze başdan geçirmelerine häzirden tomaşa etmek isleýärsiň. Biz çykalga tapdyk we halaýan gahrymanymyzyň durmuşynyň bir güni barada kiçijik film döretdik» diýip, belläp geçdi. Mini film 2023-nji ýylda surata düşürilen we Russiýanyň taryhynda iň köp girdeji gazanan film bolan «Çeburaşkanyň» döredijileri tarapyndan döredildi. Ýörite bölüm çagalar we ene-atalar üçin Täze ýyl sowgady boldy.
«Çeburaşka» atly maşgala komediýasy şu ýylyň iň gowy film bolup, kassa ýygymlary boýunça öňki rekordyň eýesinden – Klim Şipenkonyň 2019-njy ýylda 3,082 milliard rubl gazanan «Holop» filminden öňe geçmegi başardy.
«TürkmenGazet».
