«Championat.com» -yň habar bermegine görä, «Disney» multfilmlerinden gahryman Mikki Maus ýetip gelen täze 2024-nji ýylyň 1-nji ýanwaryndan jemgyýetçilik emlägi bolar.
Ýagny, dünýäniň islendik ýerindäki režissýorlar, ssenaristler we suratkeşler Mikki Mausyň keşbini hiç-hili tölegsiz ulanyp bilerler. Ýöne bu diňe multfilm gahrymanynyň 1928-nji ýylda «Willi gämijigi» atly gysga metražly suratdaky gara-ak görnüşde berlen ilkinji wersiýasyna degişlidir.
«Disney» -iň täsiri bilen birnäçe gezek üýtgedilen we hatda «Mikki Mausy goramak baradaky kanun» adyny alan ABŞ-nyň Awtorlyk hukugy baradaky kanunyna laýyklykda, personaž üçin monopoliýa 95 ýylyň dowamynda saklanyp bilner.
Meňli HOJAMUHAMMEDOWA,
Türkmenistanyň DIM-niň Halkara gatnaşyklary institutynyň Halkara žurnalistikasy fakultetiniň talyby.
