Paýtagtymyzyň «Älem» medeni-dynç alyş merkeziniň öňündäki meýdançany bezeýän Baş arça GDA ýurtlarynyň Täze ýyl nyşanlarynyň arasynda iň beýik arça bolup, onuň beýikligi 44 metre barabardyr. Sanawda ikinji orny Ýerewanyň arçasy (37 metr), üçünji orny bolsa Özbegistanyň paýtagtynda ýerleşdirilen Baş arça (35 metr) eýelemegi başardy.
Şeýle-de, sanawda Bakuwyň arçasy (34 m), Bişkegiň (32 metr), Duşanbeniň (30 m), Minskiň (28 m), Astananyň (25 m), Moskwanyň (25 m) we Kişinýowyň arçasy (20 m) hem bar.
«Älem» medeni-dynç alyş merkeziniň öňündäki giň meýdançada oturdylan Baş arça görenleri haýrana goýýar. Müň dürli yşyklary bilen ýalkym saçýan gözel arça 4 müň oýnawajy we dürli reňkdäki yşyklaryň 55 müňüsini özünde jemleýär. Belent başy «2024» ýazgyly sekizburçly ýyldyz bilen bezelen arçanyň beýikligi 44 metre, ini bolsa 16 metre ýetýär.
Gülnabat AMANSÄHEDOWA,
Berdimuhamet Annaýew adyndaky Arkadag şäher mugallymçylyk orta hünär okuw mekdebiniň mugallymy.
