Täze ýyl agşamy dost-ýarlaryňyzy begendirmek isleseňiz, ýöne näme sowgat aljakdygyňyzy pikir edýän bolsaňyz, ine, size birnäçe maslahatlar:
Garly Ýer şary
Dostuňyza seredende özüni oňyn duýjak gar Ýer şaryny sowgat edip bilersiňiz. Esasanam Täze ýyl mowzukly sowgatlary berip olaryň begenjine begenç goşup bilersiňiz.
Bakal
Eger-de dostuňyza näme sowgat aljakdygyňyza karar berip bilmedik bolsaňyz onda siziň üçin iň gowy alternatiwa bakal bermekdir. Olaryň halaýan reňkinde Täze ýyl bakallaryny satyn alyp olaryň üstüne arzuw-umytlaryňyzy ýazyp bilersiňiz.
Täze ýyl sebedi
Dostlaryňyza olaryň halaýan içgisinden, şokoladdan ýa-da miwelerden doldurylan Täze ýyl sebedine näme diýersiňiz?
Aýdym-saz gutusy
Nostalgiki sowgat hökmünde aýdym-saz gutusyny sowgat berip dostuňyzyň ýadynda gowy duýgulary galdyryp bilersiňiz.
Egin-eşik
Göräýmäge, bu pikir klassiki sowgat hökmünde gelip biler. Dostuňyzy gowy tanaýan bolsaňyz, oňa halaýan eşigini sowgat edip bilersiňiz.
Bagt getirýän zatlar
Aslynda, her kimiň şowlulyk getirýändigine ynanýan käbir nyşanlary bardyr. Şeýle hem şol nyşanlar bilen bezelen bir zady dostuňyza sowgat edip ony şatlandyryp bilersiňiz.
Goý, ýetip gelýän Täze ýyl parahatçylygyň, uly üstünlikleriň hem-de rysgal berekediň ýyly bolsun!
Gytja ATDAÝEWA,
Türkmenistanyň Daşary işler ministrliginiň Halkara gatnaşyklary institutynyň Halkara žurnalistikasy fakultetiniň 4-nji ýyl talyby.
