«Championat.com» -yň habar bermegine görä, meşhur hüjümçiler «Al-Nasr» -dan Kristiano Ronaldo, «Inter Maýami» -den Lionel Messi, «PSŽ» -den Kylian Mbappe hem-de «Mançester Siti» -den Erling Holand «Globe Soccer Awards» -yň ýylyň iň gowy futbolçysy baýragyna dalaşgärlige hödürlendiler.
«Globe Soccer Awards» Ýewropa futbol klublary assosiasiýasy tarapyndan guralyp, bu baýrak 2010-njy ýyldan bäri gowşurylyp gelinýär. Baýragyň häzirki eýesi fransuz hüjümçisi Karim Benzemadyr. Şeýle-de, Jud Bellingem we Winisius Žunior, Kewin De Breýne, Bernardu Silwa, Karim Benzema, Wiktor Osimhen hem-de Mohamed Salah ýylyň iň gowy futbolçysy baýragyny almak ugrunda bäsleşerler.
Nobatdaky baýrak gowşurylyş dabarasy 2024-nji ýylyň 19-njy ýanwarynda Dubaý şäherinde dabaraly ýagdaýda geçiriler.
«TürkmenGazet».
