«Championat.com» -yň habar bermegine görä, meşhur urugwaýly hüjümçi Luis Suarez «Inter Maýami» klubuna geçdi.
36 ýaşyndaky futbolçy bilen şertnamanyň möhleti heniz aýan edilenok. ESPN hüjümçiniň amerikan kluby bilen 1+1 shemasy boýunça şertnama baglaşjakdygyny habar beripdi. Täze toparda Suares 9-lyk belgide çykyş eder. Suareziň soňky kluby Braziliýanyň Gremiosy bolupdy. Ol geçen möwsüm Braziliýanyň çempionatynda 17 topy derwezeden geçirmegi başarypdy.
Suarez Urugwaýyň milli ýygyndysynyň taryhynda 137 oýunda 68 gol bilen iň gowy hüjümçidir.
«TürkmenGazet».
