Miweli arça
Gerekli önümler:
Alma — 1 sany;
Käşir — 1 sany;
Gara we ak üzüm — 2 salkym;
Mandarin — 2-3 sany;
Kiwi — 3 sany;
Çöpjagazlar — 30 — 35 sany;
Gaty görnüşli peýnir — 100 gr.
Miweli arçanyň taýýarlanyş yzygiderliligi barada aýdanymyzda, ilki bilen, almanyň içini oýup arassalamaly. Soňra onuň içine daşy arassalanan käşiri oturtmaly-da, almanyň we käşiriň daş-töweregine çöpjagazlary dürtüp çykmaly. Arassalanan mandarini, daşy aýrylman böleklere bölünip goýlan kiwini, üzümleri gezekli-gezegine owadan görnüşde çöpjagazlara oturdyp çykmaly. Netijede, miwelerden bezelen arça emele gelýär. Gaty görnüşli peýnirden bir bölek kesip, ýyldyz şekilini emele getirip, ony hem çöpjagaz bilen miweleriň iň ýokarsyna dürtüp goýmaly. Taýýar bolan miweli arça Täze ýyl saçagynyň owadanlygyny has-da artdyrar.
