«Championat.com» -yň habar bermegine görä, Halkara futbol federasiýasy (FIFA) «Ýylyň iň gowy derwezebany» baýragynyň üç dalaşgärini mälim etdi.
Bu sanawda marokkaly Ýassin Bunu, belgiýaly Tibo Kurtua hem-de braziliýaly Ederson ýer alýar.
Kurtua 2022-2023-nji möwsümde «Real Madrid» topary bilen Ispaniýanyň kubogynyň eýesi boldy. Angliýanyň «Mançester Siti» toparynda çykyş edýän Ederson Çempionlar ligasynda we UEFA Super kubogynda ýeňiji boldy.
«Ýylyň iň gowy derwezebany» baýragynyň eýesi 2024-nji ýylyň 15-nji ýanwarynda Londonda geçiriljek dabarada yglan ediler.
«TürkmenGazet».
