«Championat.com» -yň habar bermegine görä, «Altyn globus – 2024» baýragyna dalaşgärleriň sanawy yglan edildi. Iň köp ugurda Greta Gerwigiň «Barbie» filmi hem-de Kristofer Nolanyň «Oppengeýmer» filmi dalaşgärlige hödürlendi.
«Iň gowy drama film» kategoriýasynda «Oppengeýmer», «Gülli Aýyň ganhorlary», «Maestro», «Öňki durmuşlar», «Ýykylmagyň anatomiýasy» we «Gyzyklanma zolagy» ýaly filmler dalaşgär görkezildi.
«Iň gowy komediýa film» kategoriýasynda «Barbie», «Amerikan eseri», «Galdyrylanlar», «Maý, dekabr», «Air: Uly böküş» filmleri ýer alýar.
«Drama filminde iň gowy aktýor» ugry boýunça Bredli Kuper, Killian Merfi, Leonardo Di Kaprio, Kolman Domingo, Endrýu Skott hem-de Hoakuin Feniks ýaly aktýorlaryň dalaşgärligi hödürlendi.
Şeýle-de, bu ugur boýunça aktrisalaryň arasynda Lili Gladston, Keri Malligan, Sandra Hýuller, Keýli Speni, Annett Bening hem-de Greta Li baýragy gazanmak ugrunda bäsleşerler.
«Altyn globus» baýragynyň gowşurylyş dabarasy 2024-nji ýylyň 7-nji ýanwarynda dabaraly ýagdaýda bellenilip geçiriler.
Rejep ABDYKERIMOW,
TOHI-niň Gidromeliorasiýa we oba hojalygyny mehanizmleşdirmek fakultetiniñ Gidromelioratiw ulgamlarynyň ulanylyşy hünäriniň 4-nji ýyl talyby.
