«Forbes.ru» -nyň habar bermegine görä, 2028-nji ýylyň Bütindünýä küşt olimpiadasy BAE-de geçiriler.
Olimpiadanyň geçiriljek ýeri hökmünde Abu-Dabi şäheri saýlanyp, ýaryşyň bu ýerde geçirilmegine 96 wekil ses beripdir. Assambleýanyň wekilleri FIDE-niň prezidentiniň ygtyýarlyklarynyň iki möhlet bilen çäklendirilmegini ýatyrmak teklibini goldadylar. Federasiýanyň düzgünnamasyndaky bu punkty aýyrmagy Andorranyň küşt federasiýasy teklip edip, ony 108 wekil goldap, 27-si bolsa garşy çykdy.
FIDE-niň häzirki ýolbaşçysy RF-iň hökümetiniň öňki wise-premýeri Arkadiý Dworkowiçdir.
Küşt oýnuna könelerimiz “beýniniň gimnastikasy” hem diýipdirler. Küşt oýnunda türkmen türgenleri uly abraýa eýedir. Türkmenistanda abraýly uly küşt ussatlary bardyr. Mesgen Amanow, Maksat Atabaýew, Meýlis Annaberdiýew, Orazly Annageldiýew, Hanjar Ödäýew ýaly örän ussat küştçüleri mysal getirmek bolar.
Dünýä AMANOWA,
TOHI-niň Ýyladyşhana hünäriniň 1-nji ýyl talyby.
