Meşhur ýaponiýaly aktrisa we telealypbaryjy Tesuko Kuroýanaginiň çagalygy we mekdep durmuşy baradaky ýatlamalary görnüşinde çap edilen memuarlary iň uly tiražly awtobiografik neşir hökmünde Ginnesiň rekordlar kitabyna girmegi başardy.
1981-nji ýylda neşir edilen «Totto-týan, penjiräniň öňündäki kiçijik gyz» atly kitap çap edilen gününden bäri dünýäde 25 milliondan gowrak nusgasy çapdan çykarylyp, 20-den gowrak dile terjime edilendir. Bu kitap çagalar kitaby hasaplanýar, ýöne tankytçylaryň bellemegine görä, ol çaganyň psihologiýasyna düşünmäge mümkinçilik berýänligi sebäpli uly ýaşly adamlaryň arasynda hem uly meşhurlyga eýedir.
Dilnoza MUHADOWA,
Türkmenistanyň Daşary işler ministrliginiň Halkara gatnaşyklary institutynyň Halkara žurnalistikasy fakultetiniň talyby.
