«Al-Nasr» toparynyň portugaliýaly meşhur hüjümçisi Kristiano Ronaldo karýerasyndaky ýokary derejedäki 1200-nji oýnuna gatnaşdy. Ýubileý oýny Saud Arabystanynyň çempionatynyň 16-njy tapgyrynyň çäklerinde «Al-Riýad» toparyna garşy duşuşyk boldy.
Nobatdaky duşuşykda «Al-Nasr» topary 4: 1 hasabynda ýeňiş gazanmagy başardy. Ronaldo bu oýunda bir topy geçirip, bir ýardam pasyny berdi.
Şeýle-de, Halkara futbol taryhy we statistikasy federasiýasynyň (IFHHS) beýanatyna görä, Ronaldo bu derejä ýeten ilkinji meýdança oýunçysydyr. Şol bir wagtyň özünde, ol gatnaşan duşuşyklarynyň sany boýunça dünýä futbolynda üçünji oýunçy boldy.
Şirmuhammet AKYÝEW,
TOHI-niň gidromeliorasiýa hünäriniň 1-nji ýyl talyby.
