Täze ýyl baýramynyň bezegi bolan dürli reňkli yşyklardyr oýnawaçlaryň özi bilen birlikde, olaryň düwmesini basanyňda ýaňlanýan aýdymlar hem baýramçylyk joşgunyny artdyrýar. Olaryň aglabasynda Täze ýylyň hoş arzuwlaryny we ýakymly duýgularyny kalbymyzda janlandyrmagy başarýan «Jingle bells» aýdymy ýaňlanýar. Bütin dünýäniň ynsanlarynyň tas ählisine onuň sazy tanyş bolsa gerek.
«Jingle bells» aýdymy dünýä ýüzünde iň meşhur Täze ýyl aýdymlarynyň biridir. Ol 1857-nji ýylda döredilýär. Aýdymyň sazyny we sözlerini Jeýms Lord Pýerpont ýazypdyr. Ony ilkinji gezek iňlis aýdymçysy Frenk Sinatra ýerine ýetirýär. Jeýms Lord Pýerpont ony iňlisleriň milli baýramy bolan «Minnetdarlyk» gününe bagyşlap döredipdir we oňa «One Horse Open Sleigh» diýip at beripdir. Ýöne wagtyň geçmegi bilen, bu aýdym Täze ýyl baýramynyň aýdymyna öwrülip gidipdir. Aýdymyň ady bolsa «Jingle bells» bolup galypdyr. Onuň sözlerinde hem biraz gysgalmalar bolup geçipdir.
«History.com» saýtynyň habar bermegine görä, «Jingle bells» aýdymy 1965-nji ýylda kosmosda eşitdirilipdir we älem giňişliginde ýaňlanan ilkinji aýdym hökmünde taryha giripdir.
Ýunusbek ZAÝIROW,
TOHI-niň Weterinar lukmançylygy fakultetiniň Weterinar lukmançylygy hünäriniň 2-nji ýyl talyby.
