«Championat.com» -yň habar bermegine görä, «Gremio» toparynyň urugwaýly hüjümçisi Luis Suares Braziliýanyň futbol boýunça çempionatynyň 2023-nji ýyldaky iň gowy oýunçy baýragyna mynasyp görüldi.
36 ýaşyndaky hüjümçi Braziliýanyň «Seriýa A» çempionatynyň iň üstünlikli oýunçysy bolmagy başaryp, ol 33 oýunda 17 topy derwezeden geçirmegi başaryp, 11 sany ýardam pasyny berendir. Möwsümiň ahyrynda «Gremio» 68 utuk toplap, Braziliýanyň çempionatynda ikinji ýeri eýelemegi başardy.
Şeýle-de, käbir çykan maglumatlara görä, urugwaýly hüjümçi «Inter Maýami» toparyna geçer we öňki topardaşy argentinaly Lionel Messi bilen täzeden bir toparda çykyş eder.
Jeýhun BAÝŽANOW,
S.A.Nyýazow adyndaky Türkmen oba hojalyk uniwersitetiniň 3-nji ýyl talyby.
