«Championat.com» yň habar bermegine görä, serbiýaly tennisçi Nowak Jokowiç 2023-nji ýylda ITF-niň dünýä çempiony diýlip mälim edildi. Meşhur tennisçi bu ada sekizinji gezek eýe bolmagy başardy.
Bilşimiz ýaly, ol geçen möwsümde «Uly tuwulganyň» dört ýaryşynyň üçüsinde ýeňiş gazanypdy. Jokowiç möwsümi dünýäniň birinji raketkasy hökmünde tamamlan bolsa-da, «Wimbledonyň» finalyna çykyp,garşydaşy Karlos Alkarasdan ýeňilipdi. Ýöne muňa garamazdan Jokowiç dünýä reýtinginiň başynda 400 hepde belliginden geçen ilkinji adam boldy.
Muhammet KÖSSEKOW,
S.A.Nyýazow adyndaky TOHU-nyň Oba hojalyk önümlerini gaýtadan işlemek fakultetiniň Dänäni gaýtadan işlemek hünäriniň 5-nji ýyl talyby.
